Даниел Крег ѝ оддаде почит на кралицата на концертот во нејзина чест
- Aleksandar Santovski
- Jun 8, 2022
- 1 min read
Даниел Крег ги освои срцата со однапред снимена порака до кралицата на концертот по повод платинестиот јубилеј во саботата вечерта. Славниот британски актер (54), познат по улогата на тајниот агент Џејмс Бонд, се присети на култното видео со нејзиното височество за Олимпијадата 2012 година. Во својата видеопорака тој се восхитува на непоколебливата смиреност на монархињата. „Ваше височество, Ви благодариме за Вашето континуирано присуство во нашите животи, за Вашето лидерство и за Вашата непоколеблива грациозност и смиреност“, рече холивудската ѕвезда. „Би Ве следел каде и да било, госпоѓо. Од кој било хеликоптер“, додаде тој. Крег алудира на видеоклипот што го снимил со кралицата, а во кој се гледа како двајцата ја напуштаат Бакингемската палата со хеликоптер за церемонијата на отворањето на Игрите во Лондон во 2012 година. Во меѓувреме, Род Стјуарт, Адам Ламберт и Елтон Џон ја запалија сцената на концертот пред палатата со своите сензационални изведби.




Comments