Дали „Нетфликс“ го најде својот Бонд? Рајан Гослинг во шпионскиот филм „Сивиот човек“

Во новиот филм во продукција на „Нетфликс“, „Сивиот човек“, ликот што го толкува Рајан Гослинг, се пошегува дека се вика Шест бидејќи 007 повеќе го нема. Високобуџетниот акционен трилер е исполнет со ефекти во духот на авантурите на Џејмс Бонд. „Нетфликс инк.“ и режисерите се надеваат дека The Gray Man, кој ќе почне да се емитува на стриминг-платформата од петок (22 јули), ќе покрене сопствена долгогодишна шпионска серија на компанијата. Гослинг глуми како Сиера Сикс, поранешен затвореник кого ЦИА го извлекла од затвор во замена за ропство во тајна програма. „Отсекогаш сум сакал да снимам акционен филм“, изјави Гослинг за „Ројтерс“. „Акцијата беше мојата прва љубов. Таа всушност ме натера да се вљубам во филмови. Ми требаше само една минута да дојдам таму и да го пронајдам вистинскиот.” „Сивиот човек“ е заснован на романот на Марк Грини и во режија на Џо и Ентони Русо, браќата кои го предводеа мегаблокбастерот на студиото Марвел, Avengers: Endgame („Одмаздници: Завршница“). „Сивиот човек“ се снимаше на седум локации низ светот од Азербејџан до Хрватска и Франција.