Гути со искрен став: Модриќ не му е потребен на Реал

Како поранешен фудбалер на Реал Мадрид, Гути често ги коментира актуелните случувања во клубот, а со последната изјава шокираше голем број од фановите на „кралскиот клуб“. Гути смета дека Реал не треба да му го продолжи договорот на Хрватот, бидејќи екипата нема да има потреба од него. – Се сомневам дека Модриќ ќе остане. – Нема да има посериозна улога следната сезона и нема да му биде потребен на Реал. – Не знам дали ќе дојде Џад Белингам или некој друг играч за врска, но Модриќ во еден момент ќе мора да замине, – изјавил Гути. Поранешниот шпански репрезентативец се изјаснил и дека е за тоа Реал да го продолжи договорот со Карим Бензема.