Гундоган за стилот на игра на Винисиус Жуниор: Можеби сака да го исвиркуваат…

Винисиус Жуниор многу често знае да се најде во фокусот на вниманието на јавноста, а причината за тоа е што влегува во конфликт со противниците, навивачите и со тоа да донесе тензија како на теренот така и на трибините.

Бразилецот има специфичен стил на игра и својата брзина, магија знае да ја искористи, понекогаш и да претера со своите дриблинзи кои знаат да се сфатат како провокација од страна на противникот.

Сепак тоа не може никој да му го забрани на напаѓачот и најдобро тоа во неколку реченици го објасни летното засилување на Барселона, Илкај Гундоган.

-Некој може да ги протолкува постапките на Винисиус како провокација, но според мене тоа не е. Очигледно, тој веќе знае дека ако ги направи овие работи, ќе биде исвиркан. Ама можеби сака да го исвиркуваат, не знам, -истакна Илкај за „Еспорт3“.

Утре на програмата е големата пресметка меѓу Барселона и Реал Мадрид, средба закажана за терминот од 16:15 часот.