Гуангпу олимписки првак во ариалс, Украина го освои првиот медал во Пекинг

Вистинско шоу на Зимските олимписки игри во Пекинг приредија натпреварувачите во слободно скијање, во дисциплината ариалс. На голема радост на домаќините златниот медал го освои Чи Гуангпу. Гуангпу за брилијантниот скок во финалето доби оценка 129.0 и стана нов олимписки првак. Второто место му припадна на Украинецот, Олександер Абраменко. За Украина ова е првиот медал на ЗОИ во Пекинг. Бронзата заврши кај Русинот, Иља Буров.