Грин откри како со критики му помогнал на Јокиќ да стане совршен НБА играч

Дрејмонд Грин беше дел од најголемите успеси на Голден Стејт и со години наназад важи за еден од најдобрите дефанзивни играчи во НБА лигата, а како кошаркар со таков епитет, си даде за право да говори за последниот МВП играч во најсилната кошаркарска лига во светот.

Во своето последно обраќање кое го имаше во виртуелната анализа, Грин открива како успеал да му помогне на Никола Јокиќ да ја подобри својата игра во одбрана, со што ѕвездата на Денвер станала комплетна во секој поглед на кошаркарската игра.

Грин во минатото го критикуваше Јокиќ дека не знае да игра во одбрана и дека најчесто е лошо позициониран, па сега открива дека добил директна порака од Србинот на оваа тема при едно соочување кое го имале на теренот.

– Сите знаете дека ја критикував играта во одбрана на Јокиќ. Добро знам што реков: Ако сака да биде добар за тимот, но треба да биде столб во одбраната, мора да биде добар и во дефанзива. Во таа емисија презентирав и четири снимки на кои се гледа како е лошо поставен. Бев навистина критички настроен кон него.

– Наредната сезона ми пријде и ми рече: Видов што кажа за мене и навистина го ценам тоа бидејќи беше во право. Ми нагласи и дека се поправил и навистина беше така. Сто проценти е подобар од тоа што беше и нависитна ми беше мило што моите зборови влијаеле врз него, – открива Грин.