Грин за новиот ѕвезден соиграч во Голден Стејт: Нема да ве лажам, не ми се допаѓа Крис Пол

Дрејмонд Грин со години е еден од заштитните знаци на Голден Стејт и е клучен за играта во одбраната, па иако по крајот на минатата сезона многумина го гледаа надвор од тимот и почнаа да го трејдуваат во други франшизи, на крајот Дреј остана меѓу „воините“.

Грин нема да го распадне неповторливото трио кое го сочинуваат заедно со Стеф Кари и Клеј Томпсон, но во новата сезона ќе имаат уште една голема ѕвезда во тимот, а тоа е Крис Пол.

Искусниот ветеран доаѓа како големо засилување за шампионот од 2022-ра година, но за медиумите е интересно и тоа што Грин во минатото имаше нарушен однос со Крис и двајцата имаа неколку вербални пресметки и препукувања.

– Нема прочина да ве лажам, веќе кажав дека не ми се допаѓа Крис Пол и тоа нема да се промени бидејќи сега станавме соиграчи. Сепак, едвај чекам да заиграме заедно, ќе се однесуваме како две возрасни личности.

– Нема да се навраќам на ситуации од порано, таков е животот. Луѓето мислат дека ние се преправаме, но кога сме на паркетот, мора да работиме заедно. Јас не сакам да играм со големи деца и со лица кои не се однесуваат зрело на теренот. Крис е професионалец и се радувам што ќе играм со него. Станува збор за интелигентен играч кој веќе се покажа како лидер во неколку тимови, – порачува Грин.