Гризман откри каде сака да ја продолжи кариерата: Тоа е мојот сон

Францускиот репрезентативец, Антоан Гризман има јасен план за тоа каде сака да ја продолжи кариерата во иднина.

Гризман низ целата своја кариера игра во Шпанија, почна во Реал Сосиедад по што се пресели во Атлетико Мадрид од каде премина во Барселона по што по две години одново се врати на „Ванда Метрополитано“.

Офанзивецот обелодени дека неговиот сон е да игра во МЛС лигата.

-Тоа е мој сон. Сакам да бидат најдобри можни услови кога ќе одам таму, но тоа секако е цел во иднина, порача напаѓачот.

Лионел Меси пред некое време одлучи да замине на оваа дестинација и тоа во Интер Мајами, а најавени се и други ѕвезди ко можат да го следат неговиот пример како Бускетс, Алба, Ди Марија…