Греми 2022: Модата на црвениот тепих во слики

Генерации на музички семејства присуствуваа на 64. доделување на наградите „Греми“ во Лас Вегас во неделата навечер. Медиумите ги издвоија највпечатливите комбинации на црвениот тепих. Били Ајлиш смела и одважна во црно, креација на Рик Овенс. „БТС“ можеби ја изгубија можноста за нивното прво „Греми“, но момците на јужнокорејскиот бенд изгледаа одлично на црвениот тепих, во есенска колекција костуми на Луј Витон. Тие им кажаа на новинарите дека сакале да се поврзат со Оливија Родриго, Лејди Гага и Џеј Балвин на церемонијата, за да можат да соработуваат на идните песни. Џастин Бибер и неговата сопруга, манекенката Хејли Бибер ги привлекоа погледите на себе кога пристигнаа. Друга номинирана, Доџа Кет, за нејзиниот изглед на црвениот тепих избра сина комбинација со бисерни мониста. Британската поп-сензација Дуа Липа не беше номинирана оваа година, па ѝ беа доделени презентерски обврски, но сепак е облечена за да импресионира. Лејди Гага пристигна во елегантен црн фустан, скроен според нејзините стандарди за ваков конкретен настан.