Граматиката му направи проблем, Алкарас понуди урнебесна сцена по победата во Мајами

27.03.2024 Mart Sreda

Карлос Алкарас без проблеми се справи со Лоренцо Музети и без загубен сет се пласираше во четвртфиналето на Мастерсот во Мајами, каде со прикажаната игра важи за голем фаворит за титулата.

Шпанецот блескаше на Индијан Велс и добрата форма ја презентира и во Мајами, каде рано утрово му препушти само шест гејма на Италијанецот во победата од 6:3 и 6:3.

Следен противник на Алкарас ќе биде Григор Димитров, но пред да дојде до најава за тој дуел, Алкарас сакаше да ги поздрави тениските фанови во Мајами.

Англиската граматика му направи очигледен проблем на Алкарас и тој неколку секунди се мислеше како да ја комплетира кратката реченица, а урнебесно е што на крајот го избра погрешниот сврзник.

– Вибрациите во Мајами се луди, – требаше да гласи пораката која ја испрати Алкарас.