Голот на Ејбрахам недоволен за Рома, Аталанта киксираше во Лече

Рома имаше водство на гостувањето кај Сасуоло, но на крајот освои само бод, додека Аталанта загуби на гостувањето кај Лече.

Аталанта доживеа втор пораз по ред во Серија А, вечерва од Лече (2:1), со што веќе заостанува 11 бода зад лидерот Наполи.

Баскирото и Ди Франческо во првиот дел донесоа солидна предност за домаќините, а Ѕапата само намали на 2:1 пред крајот на полувремето, но Аталанта не успеа да стигне ниту до бод на „Виа дел Маре“.

Рома во 80. минута поведе со голот на Ејбрахам на незгодното гостување кај Сасуоло, но само пет минути подоцна Пинамонти погоди за домаќините и ги постави конечните 1:1.

„Волчицата“ сега има 26 бода, еден помалку од Аталанта, што е доволно за привремена петта позиција на табелата.