Голем скок на АТП листата: Ивановски го има најдобриот ранкинг во кариерата!

Големата македонска тениска надеж, Калин Ивановски дојде до најдобриот резултат, пласман на АТП листата во досегашниот тек на неговата кариера.

Ивановски имаше забележителни настапи на челинџер турнирот во Братислава каде преку квалификациите дојде до главната фаза во која беше запрен во осминафиналето, поточно ова му донесе поени со кои напредуваше 26.позиции на АТП листата.

Сега Калин има 176 поени и е 305 ас на светот, пласман кој е негова најдобар резултат во поединечна конкуренција. Во игра на двојки пак се лизна пет позиции и е 633 на планетава.

Кога се работи за другите Македонци, Горазд Србљак се наоѓа на 1072.то место со 10 поени ( скок од седум места), а Обрад Марковски е на 1485. место со скок од осум места, а остана со три поени. Во другата конкренција Бугариќ е рангиран на 1361. место со 16 поени (пад од 13 позиции), Марковски е без промена на 1483. позиција со 13 поени и Елдин Хусеиновиќ е рангиран на 2129 место (пад од четири места) со три поени.

На врвот и понатаму е Ѓоковиќ, најблиску до него е Алкарас, а во Топ 5 има место уште за Медведев, Синер и Рубљов кој напредуваше две позиции.