Голден Стејт се посрамоти во Мемфис, Холидеј со две клучни украдени топки го „заклучи“ кошот на Милв

Голден Стејт се посрамоти во Мемфис, Холидеј со две клучни украдени топки го „заклучи“ кошот на Милвоки (Видео) Мемфис избегна елиминација на петтиот натпревар против Голден Стејт, но начинот на кој го направи тоа беше навистина неверојатен и импресивен. Без својата прва повредена ѕвезда Морант, Мемфис режираше сценарио кое никој не можеше да го очекува, бидејќи ги посрамоти „воините“ до тој степен, што во еден момент имаа негатива од нестварни 55 поени. „Гризлите“ беа сериозно инспирирани и дојдоа до 55 поени предност во третата четвртина која ја добија со 42:17, по што последниот период беше само формалност. Голден Стејт само ја намали негативата и на крајот загуби со 134:95, резултат кој никој не можеше да го предвиди пред натпреварот, но и по неколкуте убедливи изданија на Голден Стејт. Тимската игра на Мемфис дојде до израз и Бејн, Џексон и Џонс постигнаа по 21 поен, додека кај противничкиот тим најефикасен беше Томсон со 19 поени. На вториот меч изминатава вечер, Милвоки одново поведе во израмнетата серија со Бостон со 3:2, и тоа на негов терен во „Ти-Ди“ гарден. Победникот се решаваше во последните напади, а клучен се покажа Џру Холидеј кој на двапати му украде топка на Смарт и го „заклучи“ кошот на гостите за победа од 110:107.