Гобер постигна прва тројка во кариерата и даде легендарна изјава: Се чувствувам како да изгубив неви

Гобер постигна прва тројка во кариерата и даде легендарна изјава: Се чувствувам како да изгубив невиност!Руди Гобер е скапо платена НБА ѕвезда и своевремено беше најдобар дефанзивец во најсилната лига во светот, но со години наназад е и еден од лидерите на француската репрезентација.

Корпулентниот центар го прифаќа секој повик од репрезентацијата и речиси нема пропуштено ниту едно големо натпреварување, па така ќе биде дел и од престојното Светско првенство.

Најсилните репрезентации ги започнаа подготовките за мундијалот и ги стартуваа тест натпреварите, а Франција без проблеми оствари сигурна победа над Црна Гора.

„Триколорите“ славеа со 80:69 предводени од двоецот Фурние-Гобер, а овој вториот ќе има по што да го памети дуелот против Црногорците.

Гобер како центар кој секогаш игра во рекетот ја постигна првата тројка во својата кариера, па тоа знаеше како да го прослави, давајќи изјава која ќе се врти на социјалните мрежи.

– Вечерва имам чувство како да ја изгубив невиноста….., – изјавил Гобер кој досега во НБА имаше 0/14 за три поени.