Германците бараат да се исфрли Белорусија од квалификациите за Европското првенство

Наредното Европско првенство во фудбал ќе се одржи во Германија во 2024 година, а во пресрет на ждрепката која е закажана за 9 октомври во Франкфурт домаќиниот на шампионат побара од УЕФА да ја исфрли Белорусија од квалификациите за овој турнир.

Министерката за внатрешни работи, Ненси Фезер испратила писмо до првиот човек на УЕФА, Александер Чеферин во кое бара Белорусија да биде санкционирана затоа што е сојузник на Русија во инвазијата на Украина.

Според Фезер фудбалот мора да ја исполни својата одговорна улога и да покаже обединет став против оваа форма на злоупотреба на човековите права.

Засега нема најави дека УЕФА ќе преземе мерки и ќе ја казни Белорусија.