Германско шоу во Берлин, Адетокумбо и Грција на колена

Селекцијата на Германија ја совлада Грција со 107-96 и обезбеди пласман во полуфиналето на Европското првенство.

Германците блескаа во Берлин, имаа свое шутерско шоу и погодија дури 17 тројки со 55 процентна успешност што беше пресудно за славје со кое го продолжуваат сонот за титула, односно сега се на два чекори од кои првиот е Шпанија.

Пет домашни играчи беа двоцифрени, лидер беше Шредер со 26 поени, Обст и Вагнер уфрлија по 19, а Тајс и Тиман искомбинираа 23 кошеви.

Кај Грците за кои ова е големо разочарување најефикасен беше Адетокумбо со 31 поен, 7 скока и 8 асистенции.