Германскиот филм „Четири кралеви“ во Кинотека

20.10.2021 Oktomvri Sreda

Во Кинотека денеска ќе биде прикажан првиот од серијата германски филмови на тема „​солидарност“ – четири кралеви на режисерката Тереза фон Елц.

Главни ликови во филмот се четворица млади, Алекс, Лара, Федја и Тимо.

Една млада девојка влече Новогодишна елка сама низ зимските улици. АЛЕКС (16) сака да ѝ го направи Божиќ на својата мајка што е можно поубав, бидејќи таа оваа година треба да го помине Бадник кај татко ѝ со неговото ново семејство. Целогодишното расправање околу неа, нејзе ѝ го раскинува срцето, бидејќи не сака да го разочара татко си, но и не може да ја остави сама својата вознемирена мајка. На денешниот ден ситуацијата ескалира и Алекс излета од автомобилот на татко ѝ, додека тој беше во возење. И така таа, Божиќ не го поминува ниту со својата мајка ниту со својот татко, туку во кризното одделение на адолесцентската психијатрија. Таму запознава уште тројца други млади луѓе: препознатливата ќерка на академик ЛАРА(17), која извисила на некое патување и сега се опоравува од последиците на психозата. Срамежливиот Грузиец ФЕДЈА (16), кој бил жртва на мобинг на училиште и бесниот ТИМО (17), кој само што бил донесен од затвореното во отвореното одделение.

За четворицата млади луѓе, Божиќ не е поврзан со среќни спомени, но кога заедно ја напуштаат психијатријата на Бадник, доживуваат момент на тивка среќа на Валдзее, што прави сѐ што е тешко да исчезне за некое време.

Проекцијата на филмот ќе почне во 20 часот.