Германски „Скај“: Баерн е подготвен да го продаде Кимих, но можат да го купат само пет клуба

19.03.2024 Mart Vtornik

Џошуа Кимих минува низ најтешкиот период како член на Баерн Минхен, па иако до пред една година во него се гледаше како на иден капитен и лидер на тимот, сега размислувањата во клубот одат во поразличен правец и можно е да дојде до разделба која се споменуваше и минатото лето.

Низ текот на годините, Кимих се разви во извонреден играч за врска и за него претставува пробмем што во последно време не игра на омилената позиција, а фактот што во Баерн се повеќе до израз доаѓа младиот Павловиќ може да предизвика прекина на една долга и убава врска исполената со успешни моменти.

Угледниот германски медиум „Скај“ информира дека водечките луѓе на Баерн веќе не го сметаат Кимих за недопирлив и дополнителен проблем е тоа што неговиот договор истекува во 2025-та година, па следново лето ќе биде последна шанса да се заработи посериозна сума за негова продажба.

Кимих на последните неколку меча игра како десен бек и мора да се признае дека понуди доста подобри партии отколку во средниот ред оваа сезона, па создавањето на партнерството Павловиќ-Горецка се поизвесно е дека ќе резултира со заминување на еден од играчите кои претставуваше симбол за баварскиот великан.

„Скај“ и угледниот новинар Флоријан Плетенберг информираат дека и самиот играч се повеќе ја разгледува опцијата за заминување, па доколку тоа се случи, се верува дека неговиот трансфер и неговата плата ќе можат да си ја дозволат само пет клуба.

Една од причините поради кои Баерн не му нуди нов договор е токму платата која изнесува 20 милиони евра по сезона, па „Скај“ смета дека во овој момент Џошуа можат да си го дозволат само Реал Мадрид, Барселона, Ливерпул, Арсенал и Манчестер Сити.