Гвардиола го „пецна“ Јунајтед по освоениот трофеј во Лига Купот: Ако потрошат уште малку пари…. (Вид

Гвардиола го „пецна“ Јунајтед по освоениот трофеј во Лига Купот: Ако потрошат уште малку пари…. Манчестер Јунајтед стави крај на постот без освоен трофеј и ја освои првата титула по пауза од шест години изминатава недела на „Вембли“, откако во финалето на Карабао Купот без проблеми се справи со Њукасл и потврди дека е во одлична форма.

„Ѓаволите“ играат на многу високо ниво од стартот на 2023-та година и добрите изданија кулминираа со прв трофеј во ерата на Ерик Тен Хаг, по што новинарите го запрашаа Пеп Гвардиола дали стравува од нова конкуренција во битката за титулата.

Менаџерот на Манчестер Сити му честиташе на Јунајтед за освоениот трофеј, но не пропушти и да го „пецне“ кога е битката за Премиер лигата во прашање.

– Честитки за Јунајтед, порано или подоцна, ова мораше да се случи. Ова е добредојдено за англискиот фудбал, – изјави прво Гвардиола, по што имаше одговор и за прашањето поврзано за шампионските амбиции на Јунајтед во Премиер лигата.

– Ако потрошат уште малку пари, може да бидат. Бидејќи досега не потрошија многу, нели?, – иронично и со насмевка порача Пеп и додаде.

– Тие во моментов се во позиција во која нормално треба да бидат.