Гати го спаси Јувентус од пораз во последните секунди, Рома заработи предност против Баер (Видео)

Федерико Гати постигна гол во последните секунди од дуелот меѓу Јувентус и Севилја (1:1), со што домаќините избегнаа пораз во Торино, додека Рома обезбеди минимална предност (1:0) во пресрет на реваншот со Баер Леверкузен.

Севилја поведе преку Ел Несири по една одлично изведена контра во 26. минута, а домаќините во најголем дел беа немоќни да направат нешто пред голот на Буну.

Во завршницата бараа пенал кој не им беше досуден, за во последниот напад, Киеза да изведе корнер, по кој по неколку контакти со топката на „бјанконерите“, таа стигна до дефанзивецот Гати, на кого не му беше тешко да ја затресе мрежата на шпанскиот клуб.

Вториот италијански претставник, Рома, го победи Баер Леверкузен со минимални 1:0, а голот за тимот на Мурињо го постигна Бове во 63. минута.