Гарначо повторно и фати голем сеир на Барселона по потопот кој го доживеа од Реал (Фото)

Алехандро Гарначо го навлече гневот меѓу навивачите на Барселона, но и дел од играчите на првиот тим на каталонскиот гигант, па откако провокативно славеше по пласманот на Манчестер Јунајтед во следната фаза во Лигата на Европа, сега се огласи и за случувањата во Шпанија.

Младиот фудбалер на Јунајтед очигледно нема големи симпатии кон тимот од „Камп Ноу“, не само кога игра директно против нив, туку и кога станува збор за големото шпанско дерби.

Реал Мадрид вчера ја потопи Барса на нејзин терен и славеше со уверливи 0:4 во реванш полуфиналето во Копа дел Реј, па во прославата на играчите на „кралевите“ се приклучи и Гарначо.

Тоа го направи преку објавата која ја имаше Винисиус Жуниор на социјалните мрежи, на која посочи дека е нормално тоа што Реал Мадрид направил пресврт и се пласирал во големото финале.

Претходно, кога Јунајтед ја елиминираше Барселона, Гарначо ја прославуваше победата со провокативен гест, односно ја имитираше прославата на Педри.