Гала оперски концерт со арии од најголемите оперски класици

17.02.2021 februari sreda

Националната опера и балет на 19 февруари во 20 часот ќе одржи „Гала оперски концерт“ на кој ќе настапат Ристе Велков – баритон, Билјана Јосифов – сопран, Драган Ампов – баритон, Злата Тошевска – сопран и Ана Ројдева – сопран, во придружба на оркестарот на Националната опера и балет.

Диригент е Иван Еминовиќ, а концерт мајстор е Верица Ламбевска.

За љубителите на оперската уметност, нашата верна публика во овие услови на пандемија, ќе се изведат арии од најголемите оперски класици, дела на Јохан Штраус, В. А. Моцарт, Џоакино Росини, Џузепе Верди, П.И.Чајковски, Жорж Бизе, Гаетано Доницети, Џaкомо Пучини и Франц Лехар од оперите „Лилјакот“, „Тоска“, „Кармен“, „Моќта на судбината“ „Магбет“, „Евгениј Онегин“ и др.

Настанот ќе се одржи според протоколите предвидени со моменталната состојба предизвикана од пандемијата Ковид-19 за одржување настани, одобрени од Комисијата за заразни болести. Задолжително е носење на заштитна маска.