Гала оперски концерт на Александрина Пендачанска во НОБ

Во Националната опера и балет, утревечер, (8 март) со почеток од 20 часот ќе се одржи Гала оперски концерт на светски познатата оперска дива од Бугарија, Александрина Пендачанска, сопран. На концертот ќе настапат и солистите: Ралица Богданова (сопран), Зоран Сотиров (тенор), Марјан Јованоски(баритон) во придружба на оркестарот на Националната опера и балет.

Диригент на оперскиот концерт е Бисера Чадловска, концерт-мајстор Климент Тодороски.

На програмата ќе се изведат оперски арии од композиторите Ј. С. Бах, В. А. Моцарт, Ж. Бизе, Џ. Верди, Џ. Росини, Р. Леонкавало, У. Џордано.