Врачена наградата „Васил Иљоски“ на режисерот и актерот Коле Ангеловски, отворени „Денови на комедиј

Врачена наградата „Васил Иљоски“ на режисерот и актерот Коле Ангеловски, отворени „Денови на комедија“Во Центарот за култура „Трајко Прокопиев“- Куманово синоќа беше отворен 26. Меѓународен театарски фестивал „Денови на комедија“.

На отворањето на фестивалот му беше врачена наградата „Васил Иљоски“ на режисерот и актерот Коле Ангеловски, која е востановена последниве две години и се доделува за особен придонес во театрската уметност, посебно во делот на комедиографијата.

На отворањето во препоплната сала на Центарот за култура беше одиграна претставата „Синиот портокал“ на Велешкиот театар.

На Фестивалот оваа година ќе има десет театарски претстави со театри од Македонија, Хрватска, Бугарија и Србија, а ќе се доделат наградите за најдобра актерка, најдобар актер, најдобра режија, најдобра споредна улога, најдобра сценографија, најдобра костимографија и најдобра претстава.