Во Центарот за култура – Кичево промовирани три книги од Ванѓелко Лозаноски

„27.01.2022 Januari Cetvrtok

Единствена моја љубена“,„Егејска солза“ и „Визијата и љубовта на Крсте Петков Мисирков“ се наслови на трите нови романи од професорот Ванѓелко Лозаноски.

“Во овие дела писателот Ванѓелко Лозаноски на свој автентичен начин ни ја пренесува беседата за љубовта, трудејќи се да се поистовети со ликовите, правејќи ја приказната мистична до самиот крај. Низ текстот, читајќи го ќе се пронајде секој вљубеник во исконот и почитувач на делото кое зборува за љубовта, ветувањето, вербата, простувањето, искреноста, како свети симболи кои го красат човечкиот карактер“, истакна поетесата и прозаистка од Кичево, писателката Оливера Ширгоска на промоцијата во Центарот за култура – Кичево. Според неа во сите книжевни дела на плодниот литерат преовладува патриотскиот дух кој е идејна водилка во неговиот богат книжевен опус.

“За миг човекот ќе ја заборави сегашноста и ќе заталка со мислата која знае да биде патоказ за вистинските вредности во културниот свет и стилскиот начин на изразување“, истакна Ширгоска.

За авторот и неговата биографија зборуваше Маја Николоска –Силјаноска од Центарот за култура.