Во октомври: Театарот за деца и младинци со награда и учество на фестивали

Театарот за деца и младинци октомври го започна со учество на МТФ „Војдан Чернодрински“ во Прилеп со претставата „Едвард раце ножици“, каде што ја доби наградата за најдобар рекламен материјал, авторско дело на Борче Димитријоски од истоимената претставата, во режија на Нела Витошевиќ.

На 10 октомври со претставата „Јованче и Марика“ беше дел од фестивалот „Малиот принц“ во Штип, а од 12 до 15 октомври со „Некој нека ми каже колку сум важен“, ќе учествува на Меѓународниот детски фестивал во Бања Лука, БиХ.