Во НОБ: Оперски рецитали со пијано придружба на Андреј Наунов

10.12.2020 Декември Четврток

На 11 и 12 декември, со почеток 20 часот, во фоајето на Националната опера и балет ќе се изведат два оперски рецитали со пијано придружба на Андреј Наунов.

Притоа, на 11 декември ќе настапат Злата Тошевска, Марика Поповиќ, Невен Силјановски и Ана Ројдева, додека идниот ден (12 декември) Билјана Јосифов, Дејан Стоев, Десанка Глигоријевиќ и Драган Ампов.

Како што информираат од Националната опера и балет, настанот ќе се одржи според протоколите предвидени со моменталната состојба предизвикана од пандемијата Ковид-19 за одржување настани, одобрени од Комисијата за заразни болести. За сите посетители е задолжително носење заштитна маска и почитување на мерките за заштита, а билетите се во строго ограничен број.