ВИДЕО: Тинејџери се изживуваат над скопските тротинети за изнајмување во Скопје

24.05.2023 Maj Sreda

Снимки на кои се гледа како деца на возраст од 13-14 години ги кршат електричните тротинети кои од неодамна можат да се изнајмат во Скопје, објави телевизијата „Канал 5“

Добиј ги најважните вести, бесплатно на Viber

Непримерното однесување и уништувањето на тротинетите започна во првиот момент кога тие станаа достапни за скопјани, замислени како еколошко и практично средство за градски превоз.

Покрај уништувањето и вандализмот, граѓаните деновиве реагираа и за оставањето на тротинетите расфрлани насекаде – од велосипедски патеки и пешачки премини, до градилишта и приватни дворови.

Според МВР, деновиве се украдени три тротинети.

„Пријавени се лицата кои го украдоа тротинетот и го ставија во багажник. Може да се забележат нивните ликови на камерите. Се знае и кој ги оштетува затоа што апликацијата ги евидентира корисниците. На крај, по користењето на тротинетот, се слика и испраѓа во системот за да знаеме како е оставено возилото по користењето“, изјави директорот на турската компанија „Бин Бин“, Висар Дурак, за порталот „ММС“.

Текстот и видеото преземено од slobodenpecat.mк