(Видео) Првиот трејлер за „Тркалото на времето“ навестува епска фантазија

Компанијата „Амазон“ конечно објави целосен трејлер за својата долгогодишна адаптација „Тркало на времето“, базирана на величествената сага на Роберт Џордан. Љубителите на книгите можат да здивнат, бидејќи се чини дека „Амазон“ не штедел пари за да ја оживее оваа приказна. Приказната на „Тркалото на времето“ се одвива во огромен свет на фантазија каде што само на одредени жени им е дозволено да пристапат до магијата и нејзините моќи. Серијата ја следи Моирејн (Роузмунд Пајк), членка на Aes Sedai, моќна женска организација. Серијалот книги Тhe Wheel of Time (WoT) е епска сага за фантазија создадена од американскиот писател Xејмс Оливер Ригни Џуниор. Всушност, авторот ја потпиша под псевдонимот Роберт Џордан и неговата првична проекција беше да произведе шест книги. До денес, насловот опфаќа 14 книги, од кои авторот Роберт Џордан напиша 11 пред да почине. Писателот Брендон Сандерсон потоа го презеде пишувањето на последните три.