(Видео) Оскаровци во филм што предупредува на климатските промени

07.12.2021 Dekemvri Vtornik

Режисерот Адам Мекеј собра ѕвездена актерска екипа за да даде духовито предупредување за климатските промени во новиот филм „Не гледај нагоре“ (Don’t Look Up). Во филмот на „Нетфликс“ оскаровците Џенифер Лоренс и Леонардо ди Каприо глумат двајца астронаути што почнуваат медиумска турнеја во обид да го предупредат човештвото за приближување комета што ќе ја уништи планетата. „Мислам дека големиот трик е во тоа што сакаме да се смеете… Доброто нешто во пробната проекција на филмот беше и десно и лево сите се смееја“, рече режисерот Мекеј на премиерата на филмот во неделата на 6 декември. Трикратната оскаровка Мерил Стрип, чија првична реакција на ликот што го глуми е да седне и да проценува, рече дека пораката на филмот е едноставна: „Погледнете нагоре… знаеме што доаѓа и знаеме дека можеме да направиме нешто во врска со тоа“. Во комедијата се гледа како ликовите на Ди Каприо и Лоренс очајно се обидуваат да ја пренесат лошата вест и како почнуваат медиумска кампања. Во филмот глумат и Кејт Бланшет, Џона Хил, Роб Морган, Тајлер Пери, Марк Рајленс и пејачката Аријана Гранде. Don’t Look Up, кој ќе има лимитирано издание во киносалите, почнува со стриминг на „Нетфликс“ на 24 декември.