(Видео) Мараја Кери обвинета дека пеела на плејбек: „Тоа е болно очигледно“

09.10.2024 Oktomvri Sreda

Мараја Кери настапи на 50-тото доделување на Американските музички награди (AMA) во Лос Анџелес во неделата. Пејачката, која доби дури 10 награди АМА, на сцената ги изведе своите хитови, но не сите гледачи беа воодушевени.

Кери го отвори својот сет со Don’t Forget About Us од албумот The Emancipation of Mimi, кој беше објавен пред 20 години, а потоа го отпеа вториот сингл од албумот We Belong Together.

Меѓутоа, гледачите почнаа да пишуваат на Х дека пејачката пее на плејбек, а некои коментираа дека е очигледно оти не пее во живо.

„Тоа е болно очигледно секогаш кога пее на плејбек“, „Мразам што сега мора да пее на плејбек, нејзиниот глас во 80-тите беше посебен“ и „Јасно е дека не пееше во живо“, се дел од коментарите.