Видео Лудо екстра-време: Македонија во 96. минута испушти победа со Велс!Фудбал Македонија-Велс стадион Тодор Проески Скопје 25.03.2025 Март Вторник 1-1 резултат

25.03,2025 Mart Vtornik

Фудбалската репрезентација на Македонија одигра еден тежок меч против Велс, на кој прими гол во последна минута и одигра реми (1-1) во рамки на квалификациите за СП 2026. По многу тактичка битка и борба на теренот, избраниците на Благоја Милевски дојдоа до предност во 91. минута преку Бојан Миовски, но пред самиот крај, во 96. минута, Велшаните се спасија од пораз во Скоpje

Милевски го смени тимот кој победи во Вадуц и им даде шанса на Бојан Илиевски и Тихомир Костадинов од првата минута. Велс возврати со Бротхен како единствен класичен напаѓач и Џонсон како негова поддршка. Токму тие комбинираа и Џејмс биеше во првата минута, но Димитриевски одби во корнер. Македонија возврати во третата минута, но ударот на Костадинов заврши по земја крај десниот дирек на велшкиот голман

Гостите постојано ја имаа топката во своите нозе и ги принудија нашите фудбалери на дефанзива. Сепак, момците на Милевски не ризикуваа премногу и Столе Димитриевски беше без работа во првата половина од полувремето. Сепак, работите се сменија во завршницата на првиот дел. Велшката селекција најзрелата шанса ја имаше во 33. минута, кога ударот на Томас од изгледна позиција заврши во Димитриевски и нашата дефанзива успеа да расчисти. Во 37. минута истиот фудбалер од мртов агол ја погоди пречката, а потоа Димитриевски го скроти ударот на Шихан.

Првиот дел заврши со нашата најзрела можност. Барди изведе корнер од десната страна, Алиоски фати волеј со левата нога, но биеше преку велшкиот гол. Стартот на второто полувреме не донесе многу возбудувања, повторно гледавме тактичка битка и надмудрување на Милевски и Белами. Се до измените, кога влегоа Чурлинов и Атанасов на терен за Македонија. Токму крилото на Јагјелонија ја имаше најдобрата шанса на мечот, кога во 65. минута биеше со волеј, ама голманот Дарлоу го прочита неговиот обид.

На спротивната страна Велс можеше да поведе по едно недоразбирање на Димитриевски и Серафимов, кога топката во 73. минута се одби до Џонсон, ама Висар Муслиу беше на самата гол-линија и расчисти. Тежок беше мечот за гледање до финишот, затоа што немаше сериозни можности и повторно се водеше груба битка со прекршоци, прекини, аути... ама пред самиот крај, најискусниот играч Ален погреши, а Бојан Миовски во 91. минута донесе водство. И потоа кога сите чекаа крај, следеше студен туш, затоа што на нешто околу пет секунди пред крајот, Велс дојде до реми со голот на Брукс.

Во следното коло од квалификациите за СП 2026, Македонија ќе биде домаќин на првиот фаворит во групата Белгија. Мечот се игра во јуни, а потоа следи гостување кај Казахстан.