Ветерот правеше чуда во Синсинати, Алкарас го освои најбизарниот поен во 2023. година (Видео)

Карлос Алкарас и Томи Пол одиграа исклучително тежок и неизвесен меч кој траеше повеќе од три часа, но кој беше прекинат во три наврати поради лошите временски услови и дождот кој си поигруваше со двајцата играчи.

Покрај дождот, голем проблем за двајцата претставуваше и силниот ветер кој ги оневозможуваше да имаат идеални удари, но дефинитивно најоткачената ситуација ја видовме при крајот на вториот сет.

Алкарас и Пол одиграа страшен поен во кои ги понудија сите можни тениски елементи, но кога се чинеше дека Алкарас на крајот ќе освои лесен поен, ветерот направи чудо.

Топчето доби страшна ротација и почна да се враќа наназад, но и покрај тоа што изгледаше дека веќе е во загубена ситуација, Алкарас изнајде импресивно решение и успеа да го освои најбизарниот поен оваа година.

Како и секогаш, Карлитос го проследи ова со голема насмевка на лицето, а во неверица останаа сите присутни на трибините.