Вардар ја отвори регионалната лига со победа над Војводина

18.08.2026 Avgust Vtornik

Македонскиот шампион Вардар ја оствари првата победа во новоформираната ракометна регионална лига, совладувајќи ја Војводина со 36:30.

Двете екипи се подготвуваат за новата сезона во Охрид, а денеска одиграа официјален натпревар во салата во СРЦ „Билјанини Извори“, на кој црвено-црните остварија рутинска победа.

По израмнетиот почеток, Вардар до полувремето направи предност од 20:15 и најави дека ќе оди на сигурна победа, а тоа го потврди до крајот со конечни 36:30.

Љевар и Да Силва беа најефикасни кај македонскиот претставник со по 6 голови на оваа средба.

Двете екипи од утре ќе учествуваат на традиоционалниот турнир „Крсте Андоновски“, на кој се најавени осум екипи поделени во две групи.