Вардар го доби ривалот за четвртфиналето на Европската лига ракомет

07.04.2026 April Vtornik

Македонскиот ракометен прволигаш Вардар 1961 го доби ривалот за четвртфиналната фаза на Европската лига на ЕХФ.

„Црвено-црните“ се изборија за директен пласман во Топ 8, а вечерва дознаа кого мора да добијат ако сакаат место на завршниот турнир во ова натпреварување.

Тоа е Монпелје, тим кој денеска загуби во Норвешка кај Елверум со 35:31, пораз кој не значеше ништо кога е во прашање вкупниот резултат затоа францускиот прволигаш на домашен терен триумфираше со 36:24.

Вардар и Монпелје ќе играат за Ф4 на крајот на овој и почетокот на наредниот месец, првиот меч ќе се игра во Франција, додека реваншот е во Македонија.