Варан убеден дека се во вистинска насока: Креиравме нешто што може да ни помогне да освоиме трофеи

Стоперот на Манчестер Јунајтед, Рафаел Варан е убеден дека неговиот клуб се движи во вистинска насока и дека наскоро истиот ќе почне да се бори за трофеи во сите европски натпреварувања.

Французинот имаше лоша прва сезона на „Олд Трафорд“ во која се вклопи во комплетното сивило на тимот кој изгледаше доста дезорганизирано и на крајот заврши на 6. позиција на табелата.

Сега, Манчестер Јунајтед изгледа многу поорганизирано и се чини дека под водство на Тен Хаг одат во вистинска насока, нешто што го детектираше и самиот Варан.

– Мислам дека мора да веруваме, потребна ни е самодоверба за освојување трофеи. Веќе напредувавме многу и во моментов сме во добар момент. Мора да останеме смирени, но и да бидеме амбициозни во исто време, но оваа сезона сме многу подобри и мора да продолжиме вака.

– Одиме во вистинска насока и сметам дека можеме да креираме специјална атмосфера, специјални емоции на теренот, а тоа е од голема помош при освојувањето на трофеи, -изјави Рафаел Варан.