Ван Дајк: Халанд ќе им го загорчи животот на дефанзивците во ПЛ

Ерлинг Халанд не се прослави во официјалното деби во дресот на Манчестер Сити, тим кој загуби од Ливерпул со 3-1 во Комјунити Шилд во меч во кој Норвежанецот пропушти неколку изгледи шанси за гол.

Секако по ваквиот настап стигнаа и првите критики за напаѓачот, меѓутоа прашање е колку е реално да се говори за нив во овој момент со оглед на тоа што ова е почетокот на сезоната, нов предизвик за Халанд кој претходно „грмеше“ во Борусија Дортмунд и со тоа си овозможи голем трансфер.

Вирџил Ван Дајк е среќен што ја доби првата битка со Ерлинг, но во исто време е свесен за квалитетот на напаѓачот од кого очекува да им го загорчи животот на дефанзивците во Премиер лигата.

-Халанд може да им направи проблеми и на најдобрите. Ќе им го загорчи животот на дефанзивците од Премиер лигата. Но ние го задржавме. Имаше само една, максимум две шанси, истакна Холанѓанецот.