Ван Дајк знае како да се запре Халанд: Мораме да…

Во недела се игра големото англиско дерби меѓу Ливерпул и Манечстер Сити, два тима кои изминативе години водат многу битки за трофеите на островот. „Црвените“ имаат проблеми сезонава, но дерби си е дерби без разлика на позицијата на табелата и тоа многу добро го знаат како во Ливерпул така и во Сити. Најголема опасност за домаќините дефинитивно ќе биде Ерлинг Халанд кој игра во неверојатна форма, ама токму Ливерпул е една од двете екипи сезона (другата е Борнмут) кои го имаат запрено Норвежанецот. Тоа го направија во Комјунити Шилд каде славеа со 3-1, па сега се надеваат на едно такво слично сценарио на „Енфилд Роуд“. Вирџил Ван Дајк треба да ја предводи одбраната на домаќините и како главен човек посочи што тие како колектив треба да направат за да го неутрализираат најдобриот голгетер на „граѓаните“. -Дефинитивно не е лесно, тој растура, не можете ништо друго да кажете. Се сеќавам дека по Комјунити Шилд каде што многу луѓе го отпишуваа, се сеќавам кажав, „слушајте, овој човек ќе предизвика кошмари на многу дефанзивци“. Тоа го покажа, покажува постојано ниво и очигледно е во тим како Сити каде што шансите секогаш ќе доаѓаат. -Мора да се обидеме да ги спречиме топките да стигнат кај него, да се браниме на највисоко ниво и да бидеме на највисоко ниво, така е секогаш треба против Сити и тоа нема да биде поинаку во недела. Тоа е нешто на што треба да се радуваме, дефинитивно не сум јас против него, тоа сме сите ние наспроти нив. Надворешниот свет е тој што создава битки, една наспроти една и сите овие работи. Сакаме да ги спречиме да постигнуваат голови, без разлика кој е на теренот. Ама знаеме дека е доста добар, -порача Ван Дајк за „ТВ2“. Средбата се игра од 17:30 часот.