Ван Гал до сонародникот Тен Хаг: Немој да одиш во Јунајтед, тоа е…

28.03.2022 Mart Ponedelnik

Ерик Тен Хаг е еден од стратезите кој се поврзува со Манчестер Јунајтед или според медиумите еден од фаворитите да седне на местото кое во овој момент го држи Ралф Рангник.

Холанѓанецот веќе неколку години одлично си ја врши работата во Ајакс, тим кој освојува титули во домашните натпреварувања, а и на високо ниво игра во Европа. Сето ова придонесе премиерлигашот да притисне со Ерик кој веќе одработил интервју со клубот и оставил позитивен впечаток.

Секако „црвените ѓаволи“ ќе разговараат со уште неколку кандидати по што ќе биде донесена конечната одлука, но во меѓувреме искусниот Луи Ван Гал се обиде да му даде еден директен совет на сегашниот предводник на Ајакс.

-Ерик тен Хаг е одличен тренер и тоа е секогаш добро за Манчестер Јунајтед, но Манчестер Јунајтед е комерцијален клуб што е тежок избор за тренер. Подобро би било да оди во фудбалски клуб.

-Нема да го советувам, тој може сам да ми се јави. Но тој мора да избере фудбалски, а не комерцијален клуб, порача Ван Гал кој работеше на „Олд Трафорд“ во периодот од 2014 до 2016 година, период кој го заврши со една освоена титула и тоа во ФА Купот.