Валверде спречи контра и славеше како да постигнал гол, Кореецот збунето го гледаше (Видео)

Феде Валверде беше избран за МВП од страна на ФИФА по крајот на мечот меѓу Уругвај и Јужна Кореја, пресметка на која навистина имаше доста ритам, но заврши без голови.

Уругвајците беа оние кои повеќе ја сакаа победата во самата завршница и Феде испрати вистинска „бомба“ која заврши во дирекот, но големото разочарување од епилогот знаеше како да го претвори во сатисфакција.

На почетокот на судиското продолжение, Корејците тргнаа во контра преку Канг Ин, но таа акција брзо заврши поради пожртвуваната реакција на Феде.

Ѕвездата на Реал Мадрид игра извонредно и во одбрана и во напад, а фактот што спречи контра на противникот направи да видиме една еуфорична реакција.

Валверде славеше прекин на акцијата како да постигнал гол, што доволно говори со колкава страст ги доживува случувањата на теренот.