Бруно Фернандеш искрен: Сме играле многу подобри натпревари, но важно е што се пласиравме во Катар
- Aleksandar Santovski
- Mar 29, 2022
- 1 min read
Updated: Apr 1, 2022
29.03.2022 Mart Vtornik
Херојот на португалската репрезентација од вечерашниот натпревар против Македонија, Бруно Фернандеш по крајот на натпреварот во искрена изјава потврди дека тој и неговите соиграчи не одиграле баш најдобро против нашата селекција.
Сепак, Бруно е среќен што на крајот целта е постигната и Португалија се пласира на Светското првенство во Катар.
– Овој натпревар треба да остане во сеќавањата затоа што на потешкиот начин успеавме да се пласираме на Светското првенство. Ова беше многу важен натпревар за нас, а навивачите беа неверојатни. Без да ги омаловажам другите стадиони, но атмосферата денеска беше спектакуларна, фановите сфатија што ни треба.
– Победата е извојувана на специјално место, целта е остварена и тоа е најважно за нас. Португалија одиграла и далеку подобри натпревари од овој, но овој ќе остане во сеќавањата затоа што ни донесе пласман на Светското првенство.
– За мене најважно е да му помогнам на тимот, а ако тоа биде вака, со постигнување голови го прифаќам со заадоволство. Секако дека како фудбалери сакаме да даваме голови на секој натпревар, но јас ги следам насоките кои ги дава тренерот и токму поради тоа дојдоа и денешните два гола, -заврши Фернандеш.

Comments