Бруно се јави со реакција на емотивното обраќање кое го имаше Ристовски до цела нација (Фото)

30.03.2022 Mart Sreda

По беспоштедната битка на теренот, пријателството меѓу Стефан Ристовски и Бруно Фернандеш одново се активираше, а во меѓувреме стана и вирално на социјалните мрежи поради реакцијата на ѕвездата на Манчестер Јунајтед.

За жал, Бруно беше играчот кој ги урна соништата на сите искрени фудбалски фанови од Македонија и со своите два гола ни пресуди на „Драгао“, но затоа никако не го заборави својот добар пријател на кого му испрати кратка, но емотивна порака на Инстаграм.

Македонскиот капитен Ристовски имаше подолго обраќање денеска преку оваа социјална платформа и им се заблагодари на фудаблските фанови, а на истата објава се јави и Бруно.

– Те сакам брат. Ти си пример за сите во својата земја, – гласи пораката на Бруно на објавата на Ристовски.

– Драги наши навивачи, Од срце сакам да ви се заблагодарам за моментите кои ги доживеавме. Ова беше неверојатно искуство за сите нас. Покажавме храброст и заедништво.

– Сплотени дојдовме на чекор до остварување на сонот на многу генерации. Горд сум на тимот. Заедно славиме, заедно тагуваме. Верувам дека во иднина ова искуство ќе ни донесе нов пласман на големо натпреварување. Македонско сонце го огреа светскиот фудбал. Ние сме шампиони на срцата, а некогаш тоа е поважно од се. Нетрпеливи до следниот предизвик. Верувајте во оваа Македонија. Напред Македонија.