Бритни Спирс сакала автограм од Венбанјама, а добила нокаут од неговото обезбедување

Виктор Вембанјама очекувано беше избран како прв пик на годинешниот НБА драфт и фановите со нетрпение ја очекуваат неговата прва сезона во најквалитетната кошаркарска лига во светот. Популарноста на Французинот ги надмина границите за вниманието кое го добиваат идните НБА ѕвезди, а се чини дека Вембанјама можеби и загуби еден фан по инцидентот кој се случил во Лас Вегас. Кошаркарот бил препознат од присутните во еден ресторан, по што се створила гужва, а во обидот да го привлече неговото внимание настрадала музичката ѕвезда Бритни Спирс. Спирс го допрела Вембанјама за рамото, по што добила удар од член на обезбедувањето на кошаркарот, нешто што и сама го потврди во својата изјава на социјалните мрежи. – Решив да му пријдам и да му честитам за големиот успех. Беше многу гласно, па го допрев по рамото за да му го привлечам вниманието. Тогаш член на неговото обезбедување ме удри по лице и ме зашемети, ми паднаа и очилата, – вели Спирс, која сега бара извинување од Вембанјама и неговиот тим. Во својата верзија, кошаркарот вели дека почувствувал контакт, но ги следел насоките на обезбедувањето да не застанува, бидејќи очекувано се створила голема гужва околу него.