Братот на Мараја Кери тврди дека таа е одмаздољубива

Братот на Мараја Кери, Морган Кери, ја тужи за клевета и намерно нанесување душевна болка со нејзините мемоари во кои таа пишува дека бил насилен, тврдења што тој ги нарече „злонамерни лаги“.

Како одговор на неговата тужба, поп-sвездата (51) инсистира на тоа дека е од јавен интерес таа да споделува приказни за нејзиното проблематично детство со цел да ги инспирира другите.

А сега Морган ја нападна одбраната на сестра си во нови судски документи.

Во документ поднесен до Врховниот суд на Менхетн во вторникот, како што тврди весникот „Њујорк пост“, тој напишал: „Особено е иронично да се слуша Мараја како тврди дека нејзината намера не била да ме клевети, туку да инспирира проблематични млади луѓе“.

„Ова доаѓа од некој чие јавно однесување вклучува гламурирање на нејзиното прекумерно пиење, како и други однесувања, што би било невкусно да се споменат тука“.

Морган исто така посочува дека Мараја можела да ги инспирира луѓето дискутирајќи за неговите здравствени проблеми – битката со церебралната парализа, епилепсијата и тоа дека едната нога му е покуса од другата – наместо да им кажува на своите читатели за наводна злобна битка меѓу него и нивниот татко и тврдејќи дека брат ѝ бил институционализиран кога бил помлад.

„Овој детаљ видливо недостига, што јасно говори дека ‘инспирацијата’ не била на дневен ред“, пишува братот на Мараја.