Бразилски поздрав за Аргентинците: Реакцијата на Роналдињо по вториот гол на „гаучосите“ (Видео)

Аргентина ќе се бори за титулата на Светското фудбалско првенство во Катар, откако вечерва издоминира во првото полуфинале и победи со убедливи 3:0 против Хрватска.

Лионел Меси и Хулијан Алварез имаа свое шоу на „Лусаил“ стадионот, каде на трибините можевме да забележиме и едно добро познато лице од светскиот фудбал.

Легендарниот Роналдињо не можевме да го забележиме на натпреварите кои ги играше Бразил на овој турнир, но затоа се најде во фокусот на полуфиналето кое го играше неговиот добар пријател.

Иако ривалството меѓу Бразил и Аргентина не им дозволува ниту на легендите да навиваат за „гаучосите“, очигледно е дека таквиот пример не го следи Роналдињо, кој срдечно аплаудираше по вториот гол на Алварез.

Покрај ова, популарниот Рони можеше да присуствува и на новата фудбалска магија која ја изведе Меси, кој буквално го измести Гвардиол пред третиот гол на овој натпревар.