Борусија Дортмунд осигурала потпис на алжирски фудбалер

Бундеслигашот Борусија Дортмунд уште отсега размислува за следната сезона, па германските медиуми јавија дека е договорена соработка со фудбалер на ривалски тим.

Се работи за Рами Бенсебаини, актуелен играч на Борусија Менхенгладбах, кој веќе има преддоговор со „милионерите“.

Одговорните во клубот одамна го следат алжирскиот фудбалер, а во прилог на составот од Дортмунд оди фактот што договорот на 27-годишниот фудбалер со Борусија Менхенгладбах истекува во јуни.

Бенсебаини сезонава има 22 настапи и 5 гола во дресот на Борусија.