„Бомбастична“ вест од Франција: Јунајтед пред ангажман на поранешен стопер на Барса

Ерик Тен Хаг најави дека ќе смета на Хари Мегваер без оглед на тоа што поранешниот капитен реши да не направи транфер, но истовремено, планира да изврши дополнителен притисок врз него пред самиот финиш на летниот преоден рок.

Доказ за тоа се последните ексклузивни вести кои пристигнуваат од Франција, а кои велат дека Манчестер Јунајтед е во завршни преговори за ангажман на Жан Клер Тодибо.

Поранешниот стопер на Барселона си ја врати кариерата на вистински пат по трансферот кој го имаше во Ница, па откако воодушеви со настапите во Лига 1, сега е подготвен за нов сериозен предизвик во кариерата.

Угледниот „Лекип“ денеска објави дека Тодибо се наоѓа пред трансфер во Манчестер Јунајтед и се е подготвено за негова реализација, откако клубот од „Олд Трафорд“ понудил чисти 35 милиони фунти (40 милиони евра).

Пред да дојде до официјална реализација на оваа зделка, вреди да се напомене дека за комплетирање на трансферот навиваат и во Барселона, бидејќи клубот задржа 20 проценти од правата на дефанзивецот за негова идна продажба.