Бејл се враќа повреден од настапите за репрезентацијата на Велс

Герет Бејл нема да биде во комбинација за репрезентацијата на Велс на вечерашниот натпревар против Белгија, што е нов проблем за членот на Реал Мадрид.

Бејл го започна натпреварот меѓу Белорусија и Велс, но беше заменет на полувреме, за лекарскиот тим во велшката репрезентација да потврди дека има повреда на листот на едната нога.

Тоа значи дека Велшанецот се враќа во Мадрид повреден, а лекарите на Реал ќе направат сопствена проценка за паузата која го очекува Бејл.

Ова е лоша вест за Бејл, кој последен пат настапи за својот клуб на 28. август, а сезонава веќе пропушти 13 натпревари за Реал сезонава.

Изминатиот период Бејл се лекуваше под контрола на клупските лекари, а иако тренерот Анчелоти истакна дека неговите настапи за репрезентацијата ќе бидат позитивни за враќање во потребната форма, сега излегува дека Велшанецот ќе се врати во Реал за нов лекарски третман.