Берн го надигра Цирих на Поповски и Арсеновски

Амичитија Цирих на нашите интернационалци Мартин Поповски и Филип Арсеновски не успеа да избори позитивен резултат против Берн (33-30) во пресметката од 23. коло во Швајцарија. Берн е послабо пласиран тим ов Цирих на табелата, но и тим кој е во подобра форма и тоа го покажа на теренот каде уште во првиот дел се стекна со убедлива предност од шест разлика (17-11) која во вторите 30 минути без потешкотии ја одбрани. Феликс со 9 гола беше прв стрелец кај победникот, додека Блатлер даде осум за поразените. Поповски пак беше автор на еден гол од три обиди, Арсеновски немаше напаѓачки учинок. Цирих има три порази во низа, лошата серија може да ја прекина против Базел на 4 март.