Бенфика го исфрли Јувентус од ЛШ, прв сезонски пораз на Реал, „деветка“ во Париз (ВИДЕО)
- Aleksandar Santovski
- Oct 25, 2022
- 1 min read
Составот на Јувентус дефинитивно нема да го гледаме во нокаут фазата во Лигата на шампионите, односно од групата Х таму ќе биде Пари Сен Жермен и Бенфика. На „старата дама“ и беше потребна победа во Лисабон за да ги задржи шансите за пласман понатаму, но избраниците на Алегри беа далеку од посакуваниот резултат и на крајот само се изборија за минимален пораз од 4-3. Силва, Марио и Рафа Силва (2) ја донесоа Бенфика во предност од 4-1 за да од 77 до 79 МекКени и Милик ги вратат гостите во игра барем за реми, ама немаа сила за уште еден удар.Во истата група ПСЖ го уништи Макаби Хаифа со 7-2. Меси и Мбапе дадоа по два гола, Голдберг си даде автогол, а во листата на стрелци се запишаа уште Нејмар и Солер.
Ова значи дека во последното коло Јувентус ќе се обиде преку ПСЖ да обезбеди барем ЛЕ, додека Макаби е домаќин на Бенфика и има подеднакви шанси да ја освои третата позиција на табелата.
Реал Мадрид го претрпе првиот сезонски пораз и тоа во Германија каде од нив подобра беше РБ Лајпциг со 3-2.
Погодоците на Винисиус Жуниор и Родриго не беа доволни за поволен резултат затоа што на спротивната страна Гвардиол, Нкунку и Вернер стрелаа за победа со која „биковите“ имат 9 бода и во завршната рунда ќе им биде потребен бод пркеу Шахтјор да обезбедат осминафинале во ЛШ.
На останатите средби Милан го прегази Динамо Загреб со 4-0, Сити промаши пенал преку Марез и одигра реми без голови против Дортмунд, додека Селтик и Шахтјор завршија без победник 1-1.

Comments